ஜப்பானை தாக்கிக் கொண்டிருக்கிறது தாலிம் புயல். இதனால் நூற்றுக்கணக்கான விமான சேவைகள், ரயில் சேவைகள் ரத்து செய்யப்பட்டுள்ளன. அமெரிக்க நகரங்களை நிலைகுலையச் செய்துள்ளது இர்மா புயல். தற்போது ஜப்பானை மிரட்டிக் கொண்டிருக்கிறது தாலிம் புயல்.
பசுபிக் பெருங்கடலில் மையம் கொண்டிருந்த தாலிம் புயல் ஜப்பானின் தென்மேற்கு பகுதிகளை மிக மோசமாக தாக்கி வருகிறது. மணிக்கு 162 கி.மீ. வேகத்தில் பயங்கர காற்று வீசுகிறது. இதனால் ஜப்பானில் விமானம் மற்றும் ரயில் சேவைகள் ரத்து செய்யப்பட்டுள்ளன. பல இடங்களில் நிலச்சரிவு ஏற்படும் அபாயம் உள்ளது. ஜப்பான் தலைநகர் டோக்கியோவும் பெருமழையை எதிர்கொண்டிருக்கிறது.
