தமிழ் மக்களின் அரசியல் விடுதலைக்கான போராட்டத்தில் தன்னுயிரை ஈகம் செய்த தியாகி திலீபனின் 30 ஆம் ஆண்டு நினைவேந்தல் நிகழ்வு நல்லூர் தெற்கு வீதியில் உள்ள திலீபனின் நினைவுத் தூபி அமைந்திருந்த இடத்தில் இன்று காலை 10.10 மணியளவில் ஆரம்பமானது.
நினைவேந்தல் நிகழ்வின் முதல் கட்டமாக கடந்த 23 ஆண்டுகளாக அரசியல் கைதியாக சிறையில் வாடும் பார்த்தீபனின் தாயாரினால் தியாகி திலீபனின் உருவப்படத்திற்கு ஈகச் சுடரேற்றப்பட்டு அகவணக்கத்துடன் நிகழ்வுகள் ஆரம்பமானது.
திலீபனின் உருவப்படத்திற்கு படத்திற்கு தமிழ்த் தேசிய மக்கள் முன்னணியின் பொதுச் செயலாளர் செல்வராசா கஜேந்திரன் மற்றும் ஜனநாயகப் போராளிகள் கட்சியின் தலைவர் வேந்தன் ஆகியோர் மலர் மாலை அணிவித்தனர். தொடர்ந்து பொது மக்கள் கட்சிகளின் அங்கத்தவர்கள் மலர் அஞ்சலி செலுத்தினர். 
