தமிழ் அர­சியல் கைதி­களின் விடு­த­லையை வலி­யு­றுத்தி வடக்கு மாகாண சபையில் கவ­ன­யீர்ப்பு!

சிறை­யி­லுள்ள தமிழ் அர­சியல் கைதி­களின் விடு­த­லையை வலியு­றுத்தி வட மாகாண சபையின் சபா மண்­ட­பத்தில் கவ­ன­யீர்ப்பு போராட்டம் மேற்­கொள்­ளப்­பட்­டது. வடமாகாண சபையின் 103 ஆவது அமர்வு நேற்று வட மாகாண சபை யின் பேரவை செய­ல­கத்தில் மாகா­ண­சபை அவைத்­த­லைவர் சி.வி.கே.சிவ­ஞானம் தலை­மையில் நடை­பெற்­றது.
குறித்த அமர்வில் மாகா­ண­சபை உறுப்­பினர் எம்.கே.சிவா­ஜி­லிங்கம் தமிழ் அர­சியல் கைதி­களின் விடு­த­லையை வலி­யு­றுத்தி மத்­திய அர­சாங்­கத்தின் கவ­னத்­திற்கு கொண்டு செல்­வ­தற்­காக குறித்த கவ­ன­யீர்ப்புப் போராட்­டத்­தினை அவைத்­த­லைவர் அனு­ம­தி­யுடன் மேற்­கொண்­டி­ருந்தார்.
குறித்த கவ­ன­யீர்ப்பின் போது ஜனா­தி­பதி அவர்­களே பயங்­க­ர­வாத தடைச் சட்­டத்தில் தண்­டனை பெற்ற கைதி­க­ளுக்கு பொது மன்­னிப்பை வழங்­குங்கள், அரசே அர­சியல் கைதி­களை விடு­த­லைசெய், அரசே பயங்­க­ர­வாத தடைச்­சட்­டத்தை இரத்­துசெய், புனர்­வாழ்வு பெற்ற முன்னாள் போரா­ளி­க­ளுக்கு ஆயுள் தண்­ட­னையா? சிறைச்­சா­லை­களில் அர­சியல் கைதி­களை வைத்­துக்­கொண்டு தேசிய நல்­லி­ணக்கம் ஏற்­ப­டுத்த முடி­யுமா? சர்­வ­தே­சத்­திற்கு கொடுத்த வாக்­கு­றி­தியின் படி பயங்­கர வாத தடைச்­சட்­டத்தை இல்­லாமல் செய். அர­சியல் கைதி­களின் துன்­பத்­திற்கு முடிவே இல்­லையா? ஜே.வி.பி அமைப்பில் இருந்­த­வர்­க­ளுக்கு 1971,1989 ஆண்­டு­களில் பொது மன்­னிப்பு தமிழ் கைதி­க­ளுக்கு இல்­லையா போன்ற வாச­கங்கள் எழு­தப்­பட்ட சுலோக அட்­டை­களை தாங்­கி­ய­வாறு 5 நிமி­டங்கள் மாகாண சபை உறுப்­பி­னர்கள் கவ­ன­யீர்ப்புப் போராட்­டத்­தினை மேற்­கொண்­டி­ருந்­தனர்.
குறித்த போராட்­டத்தின் போது வட­மா­காண முத­ல­மைச்சர் உட்­பட வட மாகா­ண­சபை உறுப்­பி­னர்கள் எழுந்து நின்று கவனயீர்ப்பை மேற்கொண்டிருந்தனர். இதேவேளை இரண்டு பெரும்பான்மையினத்தைச் சேர்ந்த உறுப்பினர்கள் இருக்கையில் அமர்ந்திருந்தமை குறிப்பிடத்தக்கது.