ஜெனிவாவில் நடந்து வரும் ஐ.நா. மனித உரிமைகள் சபைக் கூட்டத்தில், இலங்கை குறித்த அறிக்கை ஒன்று தொடர்பாக நாளை மறுதினம் திங்கட்கிழமை (12) விவாதிக்கப்படவுள்ளது.
நீதிபதிகள், மற்றும் சட்டவாளர்களின் சுதந்திரம் தொடர்பான ஐ.நா. சிறப்பு அறிக்கையாளர், இலங்கைக்கு மேற்கொண்டிருந்த பயணம் தொடர்பாக அங்கு சமர்ப்பிக்கப்படவுள்ள அறிக்கை குறித்தே விவாதிக்கப்படவுள்ளது.
இலங்கை அரசின் அழைப்பின் பேரில், நீதிபதிகள், மற்றும் சட்டவாளர்களின் சுதந்திரம் தொடர்பான ஐ.நா சிறப்பு அறிக்கையாளராக இருந்த மோனிகா பின்ரோ கடந்த 2016 ஏப்ரல் 29ஆம் திகதி முதல் மே 7ஆம் திகதி வரை, இலங்கைக்குப் பயணம் மேற்கொண்டு ஆய்வுகளைச் செய்திருந்தார்.
இது தொடர்பான அறிக்கையை, நீதிபதிகள், மற்றும் சட்டவாளர் களின் சுதந்திரம் தொடர்பான தற்போதைய ஐ.நா சிறப்பு அறிக்கையாளர், டியேகோ கார்சியா சயன் திங்கள்கிழமை சபையில் சமர்ப்பிப்பார்.
