கிளிநொச்சி ஊடக அமையத்தின் ஏற்பாட்டில் ஊடகவியலாளர்கள் சவால்களை எதிர்கொள்வது எப்படி? எனும் செயலமர்வு இடம்பெற்றது. 
இந்த செயலமர்வு இன்று கிளிநொச்சியில் மூத்த ஊடகவியலாளர் பொ. தில்லைநாதன் தலைமையில் சோலைவனம் விருந்தினர் விடுதியில் இடம்பெற்றுள்ளது.
குறித்த நிகழ்வில் கிளிநொச்சி மாவட்டத்தைச் சேர்ந்த ஊடகவியலாளர்கள் கலந்துகொண்டனர்.
அவுஸ்ரேலியாவிலிருந்து வருகை தந்திருந்த ஊடகவியலாளாரும், எழுத்தாளருமான லெ.முருகபூபதி ஊடகவியலாளர்கள் சவால்களை எதிர்கொள்வது எப்படி என்ற விடயத்தை தனது இருபது வருட ஊடகத்துறை அனுபவத்தின் ஊடாகவும், மற்றும் சம்பவங்கள் ஊடாகவும் கருத்துக்களை வழங்கியிருந்தார்.
ஊடகவியலாளர்கள் தாம் பணியாற்றும் நிறுவனம் சார்ந்தும், சமூகம் சார்ந்தும், தனிப்பட்ட நிலையிலும், நாட்டு நிலைமையிலும் எப்படி சவால்களை எதிர்கொள்கின்றனர் என்றும் அவ்வாறான சந்தர்ப்பங்களில் எவ்வாறு நடந்துகொள்ளலாம் என்றும் இதன்போது குறிப்பிட்டுள்ளார்.
