போரினால் பாதிக்கப்பட்ட மக்களுக்கு நீதி கிடைக்கவேண்டும். பன்னாட் டுச் சமூகத்துக்கு நீதி வழங்குவதாக இலங்கை வாக்குறுதியளித்துள்ளது. காலத்தைக் கடத்தாமல் தீர்வு வழங்க சிறீலங்கா அரசு முன்வரவேண்டும். இவ்வாறு பன்னாட்டு மன்னிப்புச் சபைபொதுச் செயலர் சயில் செட்டி மன் னாரில் வைத்துத் தெரிவித்தார்.
நிலவிடுவிப்புக்காகப் போராடும் முள்ளிக்குளம் மக்களையும், மறிச்சுக்கட் டிப் பிரதேச மக்க ளையும் மன்னிப்புச் சபையின் பொதுச் செயலர் தலைமை யிலான குழுவினர் நேரில் சென்று சந் தித்தனர். போராட்டத்தில் ஈடுபட் டுள்ள மக்கள் தமது பிரச்சினைகளை எடுத்துக் கூறினர். அருட் தந்தையர்கள், தமிழ்த் தேசி யக் கூட்டமைப்பின் பிரதிநிதிகளையும் சந்தித்தனர்.
இதன் பின்னர் ஊடகங்களுக்கு கருத்துத் தெரிவித்த சயில் செட்டி, இராணுவ முகாமுக்கு முன் னால் காணி மீட்புக்கு மக்கள் முற்றுகைப் போராட்டம் நடத்துவதாக அறிந்து இங்கு வந்திருக்கி றோம். நேரடியாக நிலமைகளை ஆராய்ந்துள்ளோம். இன்றைய சூழ்நிலையில் இலங்கை என்று சொன்னால் உலக நாடுகளுக்குத் தெரிந்துள்ளது.
2009 ஆம் ஆண்டு உள்நாட்டுப் போர் முடிவடைந்து கிட்டத்தட்ட 10 வருடங் கள் நெருங்கும் நிலையிலும் மக்களின் பிரச்சினைகள் தீர்க்கப்படவில்லை. மீள்குடியேற்றம் உட்படக் காணி தொடர்பான பிரச்சினைகள் அரசால் தீர்க் கப்படவில்லை.போரினால் பாதிக்கப்பட்ட மக்களுக்கு நீதி கிடைக்க வேண்டும். அதை வலியுறுத்தவே நாங்கள் இங்கு வந்திருக்கிறோம். பன் னாட்டுச் சமூகத்திடம் சிறீலங்கா வாக்குறுதியளித்துள்ள நிலையில் மக்க ளின் பிரச்சினைகளுக்குத் தீர்வு வழங்கப்படவேண்டும்.
சிறீலங்கா அரசு காலம் தாழ்த்தக் கூடாது. புதிய அரசு பதவியேற்று இரண்டு வருட காலம் முடிந் துவிட்டது. அரசு நடவடிக்கை எடுக்க வேண்டும். நாங் கள் இது தொடர்பில் சிறீலங்கா பிரதமர் ரணில் விக்கிரமசிங்க, சிறீலங்கா அரச தலைவர் மைத்திரிபால சிறிசேன உட்பட தலைவர்களை நாங்கள் சந் திக்கவுள்ளோம். பாதிக்கப்பட்ட மக்கள் தொடர்பாகவும் அவர்களின் நீதிக் காகவும் அரசிடம் வலியுறுத்துவோம் என்றார்.
