சுவிட்சர்லாந்து நாட்டில் உள்ள உணவகம் ஒன்றில் மர்ம நபர்கள் இருவர் நடத்திய துப்பாக்கி சூட்டில் இரண்டு பேர் பலியாகியுள்ளதுடன் , ஒருவர் உயிருக்கு போராடி வருவதாக தெரிவிக்க பட்டுள்ளது.
சுவிஸின் பேசல் மாகாணத்தில் உள்ள Kleinbasel என்ற நகரில் தான் இந்த சம்பவம் நிகழ்ந்துள்ளது.
இதே நகரில் Cafe 56 என்ற உணவகம் இயங்கி வருகிறது. இந்நிலையில், நேற்று மாலை 8 .௧௫ மணியளவில் ஆயுதம் தாங்கிய இருவர் திடீரென உணகத்திற்குள் நுழைந்துள்ளனர். பின்னர், துப்பாக்கிகளை எடுத்து அங்குள்ள நபர்கள் மீது சரமாரியாக சுட்டுள்ளனர்.
இச்சம்பவம் குறித்து தகவல் அறிந்து பொலிசார் அங்கு வருவதற்குள் தாக்குதல் நடத்திய இருவரும் அங்கிருந்து தப்பியுள்ளனர்.
முதல் உதவி வண்டி வரவழைப்பதற்குள் சம்பவ இடத்திலேயே இரண்டு பேர் ரத்த வெள்ளத்தில் பலியாகியுள்ளனர்.
மேலும், ஒருவருக்கு படுகாயம் ஏற்பட்டு அவர் ஆபத்தான நிலையில் மருத்துவமனை கொண்டு செல்லப்பட்டுள்ளார்.
