புதுக்கோட்டை மீனவர்கள் 24 பேரை இலங்கை கடற்படை சிறைப்பிடித்துள்ளது. கடந்த 4 நாள்களில் தமிழக மீனவர்கள் 50 பேர் கைது செய்யப்பட்டுள்ளனர்..
ராமேஸ்வரம் கடலில் மீன்பிடித்துக் கொண்டிருந்த 24 தமிழக மீனவர்களை இலங்கை கடற்படை சிறைப்பிடித்தது. அவர்களது 4 படகுகளும் பறிமுதல் செய்யப்பட்டுள்ளதாக தெரிவிக்கப் பட்டுள்ளது . 2 விசைப் படகுகளில் சென்ற 15 மீனவர்கள் கச்சத்தீவு அருகே மீன்பிடித்துக் கொண்டிருந்தனர். அதே போல புதுக்கோட்டையிலிருந்து 2 படகுகளில் சென்ற 9 மீனவர்கள் கோடியக்கரைக்கு தென்கிழக்கே மீன்பிடித்து கொண்டிருந்தனர் என்றும் தமிழக செய்திகள் குறிப்பிடுகின்றன.
இதுகுறித்து முல்லைத்தீவு மீனவர் சங்கத்தை சேர்ந்தவர் கருத்து தெரிவிக்கையில் இப்படியான மீன்பிடி படுகுகளை மட்டுமே சிறீலங்கா கடற்படையினர் கைது செய்வதாகவும் தமிழீழத்தின் கடல் வளத்தை இல்லாமல் செய்யும் , அத்து மீறிய ரோலர்களை கடற்படையினர் கண்டு கொள்வதில்லை என்றும் , அண்மைய காலத்தில் முல்லைத்தீவு கடற் பகுதியில் இது அதிகரித்து இருப்பதாகவும் தெரிவித்தார்.
