கொழும்பு மட்டக்குளி – சமித் புற பகுதியில் நேற்றையதினம் மாலை இடம்பெற்ற துப்பாக்கிப் பிர யோகத்தில் பாதாள உலக தலைவர் உட்பட நால்வர் உயிரிழந்துள்ளதாக பொலிஸார் தெரிவித்துள்ளனர்.
கொழும்பு புறநகர் பகுதியில் நேற்றையதினம் 10க்கும் மேற்பட்டவர்கள் மீது இனந்தெரியாத கும்பல் ஒன்று தாக்குதல் மேற் கொண்டுள்ளது.இச்சம்பவத்தில் படுகாயமடைந்தவர்கள் உடனடியாக கொழும்பு தேசிய வைத்தியசாலையில் சிகிச்சைக்காக அனுமதிக்கப்பட்டனர்.
இதன்போது வைத்தியசாலைக்கு கொண்டு செல்லும் வழியில் 4 பேர் உயிரிழந்ததுடன் மேலும் 5 பேர் படுகாயமடைந்த நிலையில் அவசர சிகிச்சைப் பிரிவில் அனுமதிக்கப்பட்டுள்ளனர்.
குறித்த தாக்குதல் என்ன காரணத்துக்காக மேற்கொள்ளப்பட்டது என்பது தொடர்பில் தகவல் நேற்றிரவு வெளிப்படவில்லை. எனினும் இது தொடர்பில் பொலிஸார் தீவிர விசாரணைகளை மேற்கொண்டு வரு கின்றதாக தெரிவிக்கப்பட்டுள்ளது.
அத்துடன் இந்த துப்பாக்கிச் சூட்டு சம்பவத்தில் பாதாள உலகக் குழு தலைவரான “குடு சூட்டி” என்ற நபர் உயிரிழந்துள்ளார் என தெரிய வந்துள்ளது.
இந்நிலையில் மேற்படி துப்பாக்கிச் சூட்டுச் சம்பவத்தால் கொழும்பு புறநகர் பகுதியில் நேற்றிரவு வரை பதற்றநிலை காணப்பட்டிருந்தமை குறிப்பிடத்தக்கது.
