டிமோ ரக வாகனம் மோட்டார் சைக்கிளுடன் மோதுண்டு விபத்துக்குள்ளானதில் குடும்பப் பெண் ஒருவர் உயிரிழந்ததுடன் அவரது கணவன் படுகாயமடைந்த நிலையில் யாழ்.போதனா வைத்தியசாலையில் சிகிச்சைக்காக அனுமதிக்க ப்பட்டுள்ளார்.
இச்சம்பவம் நேற்று இரவு 7.15 மணியளவில் கோப்பாய் பிரதேச செயலகத்துக்கு அருகாமையில் இடம்பெற்றுள்ளது.இதில் மோட்டார் சைக்கிளில் பயணித்த கோப்பாய் வடக்கினைச் சேர்ந்த கதிர்காமநாதன் நவபுஸ்பம் (வயது65) என்ற குடும்பப் பெண்ணே உயிரிழந்தவராவார்.
மேலும் அவரது கணவரான பொன்னுத்துரை கதிர்காமநாதன் (வயது72) என்பவரே படுகாயமடைந்த நிலையில் யாழ்.போதனா வைத்திய சாலையில் சிகிச்சை பெற்று வருகின்றார்.
உயிரிழந்த பெண்ணின் சடலமானது பிரேதப் பரிசோதனைக்காக யாழ். போதனா வைத்தியசாலையில் ஒப்படைக்கப்பட்டுள்ளது.
விபத்தினை ஏற்படுத்திய டிமோ ரக வாகனம் தப்பிச் சென்றுள்ள நிலையில் இது தொடர்பில் கோப்பாய் பொலிஸில் முறையிட்டதனை தொடர்ந்து பொலிஸார் விசாரணைகளை மேற்கொண்டு வருகின்றனர்.
