முல்லைத்தீவு புதுக்குடியிருப்பு பிரதேச செயலக பிரிவுக்குட்பட்ட விசுவமடு குளத்தில் குளித்துக் கொண்டிருந்த இளைஞன் ஒருவன் நீரில் மூழ்கி உயிரிழந்துள்ளார்.இருட்டுமடு உடையார்கட்டு பிர தேசத்தைச் சேர்ந்த தவராசா சந்திரகுமார் (வயது 29) என்ற இளைஞரே இவ்வாறு நீரில் மூழ்கி உயி ரிழந்துள்ளார்.
விசுவமடு குளத்திற்கு ஏழு இளைஞர்கள் நேற்றையதினம் குளிக்கச் சென்ற நிலையில், அவர்களுடன் சென்றிருந்த பிரஸ்தாப இளைஞர் நீரில் மூழ்கி உயிரிழந்துள்ளதாக புதுக்குடியிருப்பு பொலிஸார் தெரிவித்துள்ள னர்.
சம்பவம் தொடர்பாக குறித்த பிரதேச மக்கள் புதுக்குடியிருப்பு பொலிஸாருக்கு தெரியப்படுத்திய நிலையில், சம்பவ இடத்திற்கு வந்த பொலிஸார் சடலத்தை மீட்டுள்ளனர்.
இந்த சம்பவம் குறித்த மேலதிக விசாரணைகளை புதுக்குடியிருப்பு பொலிஸார் மேற்கொண்டு வருகின்றனர். (செ-281,312)
