சிலாபம் – புத்தளம் பாதையின் ஆராச்சிக்கட்டுவ பிரதேசத்தில் நேற்று அதிகாலை இடம்பெற்ற வாகன விபத்தில் யாழ் இளைஞர் இருவர் உயிரிழந்ததுடன், மேலும் 9 பேர் காயமடைந்து சிலாபம் பொது வைத்தியசாலையில் அனுமதிக்கப்பட்டுள்ளனர்.
குறித்த சம்பவம் நேற்று அதி காலை 3.00 மணியளவில் இடம் பெற்றுள்ளது.
கார் ஒன்றும் ஹயஸ் வான் ஒன்றும் நேருக்கு நேர் மோதுண்டமையினால் மேற்படி விபத்துச் சம்பவம் இடம்பெற்றுள்ளதாக தெரிவிக்கப்படுகின்றது.
காரில் பயணித்த இருவரே இந்த விபத்தில் உயிரிழந்துள்ளவர்கள் எனவும், அதே காரில் பய ணித்த மேலும் இருவர் மற்றும் ஹயஸ் வானில் பயணித்த 7 பேருமே காயமடைந்துள்ளதாகவும் தெரிவிக்கப்பட்டுள்ளது.
மேலும், குறித்த சம்பவத்தில் யாழ்.அளவெட்டி பகுதியைச் சேர்ந்த லஜிதன் (வயது 24) மற்றும் யாழ். தெல்லிப்பழையைச் சேர்ந்த திருக் குமரன் (வயது 25) ஆகிய இரு இளைஞர்களுமே உயிரிழந்தவர்களாவர்.
இவ் விபத்து தொடர்பான மேலதிக விசாரணைகளை சிலாபம் பொலிஸார் மேற்கொண்டு வருகின்றனர்.
