திருகோணமலை சாம்பல் தீவு சந்தியில் வைக்கப்பட்ட புத்தர் சிலை தொடர்பில் அரசாங்கம் கவனம் செலுத்த வேண்டும் என திருகோணமலை மாவட்டப் பாராளுமன்ற உறுப்பினர் க.துரைரெட்ணசிங்கம் தெரிவித்தார்.
இவ்விவகாரம் தொடர்பில் எதிர்க்கட்சி தலைவர் இரா.சம்பந்தனின் கவனத்துக்கு கொண்டு வரப்பட்டுள்ளது குறித்த சில மக்களில்லாத
இடங்களில் இவ்வாறான சிலை வைப்பு மற்றும் பௌத்த ஆலயம் அமைக்கும் பணிகள் முன்னெடுக்கப்பட்டு வருகின்றன
அரசாங்கம் தமிழ் மக்களுக்கு இதுவரையிலும் எவ்வித நன்மைகளையும் செய்யவில்லை.
எனினும், இப்பௌத்த விகாரை அமைப்பதில் அரசாங்கத்திற்கு நேரடி தொடர்பு எதுவும் கிடையாது என நான் நம்புகின்றேன்.. மாறாக இது ஒரு சிலரின் திட்டமிட்ட செயலாகவே பார்க்க வேண்டியுள்ளது. குறித்த இடத்தில் உள்ள பஸ்தரிப்பு நிலயம் இராணுவத்தினர் விடுவித்த பின்னர் மக்கள் பயன் பாட்டிற்கு துப்பரவு செய்யப்பட்ட நிலையில் கடந்த 10.07.2016 அன்று இந்த சிலை வைக்கப்பட்டுள்ளது.
கடந்த காலத்தில் திருகோணமலை பிரதான பஸ்நிலையத்தில் இவ்வாறான சிலை ஒன்று வைக்கப்பட்டதானால் எழுந்த நிலமையால் மாவட்டத்தில் மக்கள் பல பிரச்சனைகளைச்சந்திக்க நேர்ந்தது.
குறித்த காலத்தில் தற்போதைய ஜனாதிபதி அமைச்சராக விருந்தார். அவரும் இன்னும் சிலரும் இங்கு வருகைதந்து நிலமைகளை அவதானித்து சில நடவடிக்கைகளை எடுத்திருந்தனர்.
மட்டுமன்றி அந்த விடயம் நீதிமன்றம் கொண்டு செல்லப்பட்டதனால். குறித்த சிலை வழிபாட்டிற்கு தடை உத்தரவு பிறப்பிக்கப்பட்டிருந்தது. அது இன்றும் நடமுறையில் உள்ளது. இந்நிலையில் இவ் விவகாரம் மீளவும் உருவாகியுள்ளது கடந்த குச்ச வெளிப்பிர தேச அபிவிருத்திக்குழுவில் நடந்த கூட்டத்தில் குச்ச வெளிப்பிரதேசத்தில் 14 விகாரைகள் அமைக்கும் பணிக்கு நிதி ஒதுக்கப்பட்டிருந்தது. இது புல்மோட்டை அரிசிமலை மற்றும் தமிழ் முஸ்லீம் மக்கள் வாழும் பல இடங்களில் அமைப்பதற்காக ஒதுக்கப்பட்டது. இவ்வாறு பௌத்த மக்கள் இல்லாத இடங்களில் ஆலயங்களை அமைப்பது நல்லிணக்கத்திற்கு குந்தகமான விடயமாகும்.
பௌத்த மக்கள் இல்லாத இடங்களில் அமைப்பது ஏனைய மக்களின் மனங்களைப்புண்படுத்தும் விடயமாகும் இவ்வாறான விடயங்களை அரசு அனுமதிக்க கூடாது. இவை எந்த விதமான அங்கீகாரமுமின்றிச் செய்யப்படுகின்றன. என அவர் மேலும் தெரிவித்துள்ளார்.
