இலங்கை சிறையில் உள்ள தமிழக மீனவர்களை விடுவிக்கக் கோரி இராமேஸ் வரம் மீனவர்கள் நேற்று முதல் காலவரையற்ற வேலை நிறுத்தத்தை தொடங்கியுள்ளனர்.
இராமநாதபுரம், புதுக்கோட்டை, நாகை ஆகிய பகுதிகளில் இருந்து மீன்பிடிக்க செல்லும் தமிழக மீனவர்களை இலங்கை கடற்படையினர் மீன் பிடிக்க விடாமல் தொடர்ந்து தடுத்து நிறுத்தி விரட்டி அடிக்கின்றனர்.
இதனால் தமிழக மீனவர்களின் மீன்பிடி தொழில் முற்றிலும் நலிவடைந்து தற்போது மீன் பிடிக்க முடியாத அவலநிலை ஏற்பட்டுள்ளது. அது மட்டும் இல்லாமல் இராமேஸ்வரத்தில் இருந்து மீன் பிடிக்க செல்லும் தமிழக மீனவர்களை கச்சதீவு பகுதியில் மீன் பிடிக்க முடியாத அளவுக்கு
இலங்கை கடற்படையினர் தொடர்
தாக்குதலை நடத்தி வருகின்றனர். இதுவரை தமிழக மீனவர்கள் 73 பேரையும், மேலும் அவர்களுக்கு சொந்தமான 100-க்கு மேற்பட்ட படகுகளையும் இலங்கை கடற்படையினர் சிறைப்பிடித்து வைத்துள்ளனர். இதனையடுத்து இராமேஸ்வரம் மீனவர்கள் இதனைக் கண்டித்து அவசர ஆலோசனை கூட்டம் நடத்தினர். இதில் இலங்கை கடற்படையால் சிறை பிடிக்கப்பட்ட 73 மீனவர்களையும், படகுகளையும் விடுவிக்கும் வரை காலவரையற்ற வேலை நிறுத்தப் போராட்டத்தை அறிவித்தனர்.
இந்த வேலை நிறுத்தப்போராட்டம் நேற்று தொடங்கியுள்ளது. அதில் 800-க்கும் மேற்பட்ட விசைப்படகுகள் கடலுக்கு செல்
லாமல் நிறுத்திவைக்கப்பட்டுள்ளன. இத னால் மீன்பிடி தொழிலை நம்பி இருக்கும் 10,000-க்கும் மேற்பட்ட மீனவர்கள் பாதிக்கப்பட்டுள்ளனர்.
