தமிழர் ஒருங்கிணைப்புக்குழு பிரான்சு – தமிழர் விளையாட்டுத் துறையினால் தமிழர் கழகங்களிடையே வருடாந்தம் நடாத்தப்படும் மாவீரர் நினைவு சுமந்த மெய்வல்லுநர் போட்டிகள் – 2016 சார்சல் நெல்சன் மண்டேலா மைதானத்தில் 09.07.2016 சனிக்கிழமை காலை 10.00 மணிக்குத் தெரிவுப் போட்டிகளாக ஆரம்பமாகியுள்ளன.
இந்நிகழ்வில் மாவீரர் திருஉருவப்படத்திற்கான ஈகச்சுடரினை 1992 இல் வவுனியா பகுதியில் வீரச்சாவடைந்த மாவீரர் பூலோகசிங்கம் பத்மரோகனின் சகோதரன் ஏற்றிவைத்து மலர்வணக்கம் செலுத்தினார்.
தொடர்ந்து போட்டிகள் இடம்பெற்றன. தெரிவுப்போட்டிகள் 10.07.2016 ஞாயிற்றுக்கிழமை மற்றும் 16.07.2016 சனிக்கிழமை இடம்பெற்று இறுதிப்போட்டிகள் 17.07.2016 ஞாயிற்றுக்கிழமை சார்சல் நெல்சன் மண்டேலா மைதானத்தில் உணர்வெழுச்சியுடன் இடம்பெறவுள்ளது.
இந்நிகழ்வுகளில் அனைவரையும் கலந்துகொள்ளுமாறு ஏற்பாட்டாளர்கள் அழைப்புவிடுத்துள்ளனர்.
ஊடகப்பிரிவு – பிரான்சு தமிழர் ஒருங்கிணைப்புக்குழு.
