புத்தூர் வேம்படி சந்தியில் நேற்று மாலை 4.15 மணியளவில் பாரவூர்தி உடன் துவிச்சக்கரவண்டி மோதுண்டு விபத்துக்குள்ளானதில் ஒருவர் உயிரிழந்துள்ளார்.
இதில் துவிச்சக்கரவண்டியை செலுத்தி வந்த மட்டுவில் வடக்கைச் சேர்ந்த பேரின்பராஜா சிவரஞ்சன் (வயது35) என்பவரே பரிதாபகரமாக உயிரிழந்தவராவார்.
சந்தைக்கு பலாப்பழங்களை ஏற்றிக்கொண்டு துவிச்சக்கரவண்டியில் சென்றவர் பாரவூர்தி மோதியதில் உடல் நசியுண்டு சம்பவ இடத்திலேயே பலியானார்.
சடலமானது பிரேத பரிசோதனைக்காக சாவகச்சேரி ஆதார வைத்தியசாலையில் வைக்கப்பட்டுள்ளதுடன் மேலதிக விசாரணைகளை கொடிகாமம் பொலிஸார் மேற்கொண்டு வருகின்றனர்.
