காணிகளில் மீள்குடியேறுவோம் என்கின்றனர் வலி.வடக்கு மக்கள்
வலி.வடக்கிற்கான மீள்குடியேற்றம் ஒரு மாதகாலத்திற்குள் இடம்பெறாவிட்டால் பாரிய போராட்டம் முன்னெடுக்கப்படுமென
தெரிவித்த தற்காலிக நலன்புரி முகாமில் வாழ்ந்துவரும் வலி.வடக்கு மக்கள், குறித்த போராட்டமே இறுதிப்போராட்டம் எனவும் குறிப்பிட்டுள்ளனர்.
அத்துடன் எத்தகைய எதிர்ப்புக்கள் வந்தாலும் அதனை உடைத்தெறிந்து சொந்த நிலத்தில் மீள் குடியேறுவோம் எனவும் அவர்கள் தெரிவித்துள்ளனர்.
குறித்த விடயம் தொடர்பில் வலி.வடக்கு மக்கள் மேலும் தெரிவித்ததாவது,
கடந்த வருடம் டிசெம்பர் மாதம் யாழ்ப்பாணத்திற்கு தேசிய நத்தார் நிகழ்வை கொண்டாடுவதற்காக வருகை தந்த ஜனாதிபதி மைத்திரிபால சிறிசேன, நாம் இடம்பெயர்ந்து வாழ்கின்ற தற்காலிக நலன்புரி நிலையங்களுக்கு வருகை தந்து எமது சொல்லொணாத் துன்பங்களை நேரடியாகவே அவதானித்திருந்தார்.
இதனையடுத்து யாழ்.பழைய மாநகரசபை வளாகத்தில் இடம்பெற்ற நத்தார் விழாவில், இன்னும் ஆறு மாத காலத்தில் வலி.வடக்கில் இருந்து இடம்பெயர்ந்துள்ள மக்களை சொந்த இடங்களில் மீளக்குடியமர்த்துவேன் என ஜனாதிபதி தெரிவித்திருந்தார்.
ஜனாதிபதி கூறியதற்கு அமைய விரைவில் மீளக்குடியேற்றப்படுவோம் என நம்பியிருந்த நிலையில் அவர் வழங்கிய அவகாசம் தற்போது முடிவடைந்துள்ளது. இந்நிலையில் கடந்த சனிக்கிழமை அல்பிரட் துரையப்பா விளையாட்டரங்கை திறந்து வைக்க வருகை தந்த ஜனாதிபதி எமது மீள்குடியேற்றம் தொடர்பான ஆக்கபூர்வமான காத்திரமான ஓர் பதிலையும் வழங்கவில்லை. இது எம்மை மேலும் கவலைக்குள்ளாக்கியுள்ளது.
மீள்குடியேற்றம் தொடர்பில் விடிவு கிடைக்குமென நம்பி ஜனாதிபதி மைத்திரிபால சிறிசேனவுக்கு வாக்களித்த எமக்கு தற்போது ஏமாற்றமே மிஞ்சியுள்ளது. எனினும் மேலும் ஒரு மாத கால அவகாசத்தை ஜனாதிபதிக்கு வழங்குகின்றோம். அக்காலப்பகுதிக்குள்ளும் எம்மை சொந்த இடத்தில் ஜனாதிபதி மீள்குடியேற்ற தவறுவாராயின் இறுதியும் அறுதியுமான பாரிய போராட்டம் எம்மால் முன்னெடுக்கப்படும்.
இதன்போது எத்தகைய எதிர்ப்புக்கள் வந்தாலும் அதனை தகர்த்தெறிந்து எமது நிலத்தை நாம் கைப்பற்றுவோம். தற்போது நாட்டில் நல்லிணக்கம், சமாதானம் பற்றி பேசப்படும் நிலையில் எமது காணிகளுக்குள் செல்ல தடை போடப்படுவது ஏற்கத்தக்க விடயம் அல்ல. நாம் பல வருடங்களாக எமது நிலங்களை விடுவிக்குமாறு கோரி வருகின்ற நிலையில் எத்தகைய ஆக்கபூர்வமான செயற்பாடும் முன்னெடுக்கப்படவில்லை. இந்நிலையிலேயே எமது இறுதிப் போராட்டத்தை நாங்கள் ஒரு மாத கால அவகாசத்தின் பின்னர் முன்னெடுக்கவுள்ளோம்.
வாழ்வியல் சார்ந்த எமது போராட்டத்தின் பின்னணியில் எந்தவொரு அரசியல் கட்சியும் இல்லை. நாம் எமது நிலத்தை விடு விக்கவே நீண்டகாலம் போராடி வருகின்றோம். சொந்த நாட்டுக்குள்ளேயே இடம்பெயர்ந்து 27 வருடங்களாகிவிட்டன. இந்நிலையில் தற்காலிக முகாமில் தங்கியிருப்பதனால் நிரந்தரமான தொழில் நடவடிக்கையில் ஈடுபடமுடியாததுடன் பொருளாதாரத்தையும் ஈட்டமுடியவில்லை.
இந்த ஆண்டுக்குள் எமது சொந்த இடங்களில் மீள்குடியேற்றப்படாவிட்டால் எமது பிள்ளைகள் உட்பட அரைவாசிக்கும் மேற்பட்டோர் பட்டினியாலேயே இறந்துவிடுவார்கள்.
இந்நிலையில் ஜனாதிபதியினுடைய மெளனத்தால் நாம் மிகவும் வெறுப்படைந்தும் சலித்தும் போயுள்ளோம். எனவே எமது நிலங்களை நாமே போராடி பெற்றுக்கொள்ள வேண்டிய ஓர் இக்கட்டான நிலை தற்போது ஏற்பட்டுள்ளது. எனினும் நல்லிணக்க அரசிலுள்ள நம்பிக்கை காரணமாக மேலும் ஒரு மாத கால அவகாசத்தை வழங்கத் தீர்மானித்துள்ளோம்.
இந்த ஒரு மாதகால அவகாசத்திற்குள் ஜனாதிபதி எமது மீள்குடியேற்றம் தொடர்
பில் ஆக்கபூர்வமான காத்திரமான சமிக்
ஞைகள் எதனையும் வழங்காது விட் டால் நாம் இறுதி போராட்டத்தை நடத்தி
எமது சொந்த நிலங்களை நாமே கையகப்
படுத்துவோம். இப்போராட்டம் தொடர்பான கலந்துரையாடல்கள் எதிர்வரும் நாட்களில் முன்னெடுக்கப்படும்.
