அமெரிக்காவில் உள்ள இரவு மதுவிடுதி ஒன்றில் மர்ம நபர் ஒருவர் சுமார் 50 பேர் வரை துப்பாக்கியால் சுட்டுள்ளதாகவும் பலரை பிணையக்கைதியாக வைத்துள்ளதாக அதிர்ச்சி தகவல்கள் வெளியாகியுள்ளன.
புளோரிடா மாகாணத்தில் உள்ள Orlando என்ற நகரில் தான் இந்த தாக்குதல் நடந்துள்ளது.
இந்த நகரில் உள்ள Pulse என்ற இரவு மதுவிடுதிகுள் நுழைந்த நபர் துப்பாக்கி சூடு நடத்தியதில், 50 பேர் வரை பலியாகியுள்ளதாவும், 53 பேர் காயமடைந்துள்ளதாகவும் தகவல்கள் வெளியாகியுள்ளன.
அதே சமயம், அந்த நபர் வெடிகுண்டுகளை கட்டிய உடை அணிந்துள்ளதாகவும், பலரை பிணையக்கைதியாக வைத்துள்ளதாக சம்பவ இடத்தில் உள்ள ஊடகங்கள் செய்தி வெளியிட்டுள்ளன.
மதுவிடுதிக்கு சொந்தமான பேஸ்புக் பக்கத்தில் ‘அனைவரும் மதுவிடுதியை விட்டு வெளியே ஓடுங்கள்’ என்ற செய்தி மட்டும் கடைசியாக வெளியிடப்பட்டுள்ளது.
தற்போது, மதுவிடுதியை பொலிசார் சுற்றி வளைத்துள்ளதால் அந்நகரில் பெரும் பரபரப்பு ஏற்பட்டுள்ளது.
