அவி­சா­வளை சாலாவ இரா­ணுவ முகா­மில் பாரிய வெடிப்­பு;பிர­தேசம் எங்கும் அல்­லோல கல்­லோ­லம்!

ஆறு கிலோ­ மீற்­றர்­க­ளுக்குள்ளி­ருந்­த மக்கள் வெளியேற்­றம்
அவி­சா­வளை பகு­தியில் கொஸ்­கம என்ற பிர­தே­சத்தில் அமைந்­துள்ள சாலாவ இரா­ணுவ முகாமின் தோட்­டாக்கள் அடங்­கிய ஆயுத களஞ்­சி­யத்தில் நேற்­று­மாலை ஏற்­பட்ட திடீர் தீ விபத்­தினால் பிர­தேசம் முழு­வதும் புகை­மண்­ட­ல­மாக காட்­சி­ய­ளித்­த­துடன் சாலாவ பிர­தே­சத்தை சுற்றி ஆறு கிலோ மீற்றர் தூரத்தில் இருந்த மக்கள் அனை­வரும் வெளியேற்­றப்­பட்­டி­ருந்­தனர்.
அத்­துடன் இந்த வெடிப்பு சம்­ப­வத்தில் ஒருவர் உயி­ரி­ழந்­த­துடன் காய­ம­டைந்த மூவர் அவி­சா­வளை வைத்­தி­ய­சா­லையில் அனு­ம­திக்­கப்­பட்­டனர். மேலும் காய­ம­டைந்­த­வர்­களில் மேல­திக சிகிச்­சைக்­காக கண்டி வைத்­தி­ய­சா­லைக்கு மாற்­றப்­பட்­ட­னர்.இரா­ணுவ முகாமில் திடீ­ரென ஏற்­பட்ட தீயா­னது தோட்­டாக்கள் களஞ்­சி­யப்­ப­டுத்­தப்­பட்­டி­ருந்த இடத்­துக்கு பர­வி­யதன் கார­ண­மாக பாரிய வெடிப்பு சம்­பவம் இடம்­பெற்­றது.
அத்­துடன் தொடர்ச்­சி­யாக வெடிப்புச் சம்­ப­வங்கள் இடம்­பெற்­றுக்­கொண்­டி­ருந்­ததை அவ­தா­னிக்க முடிந்­தது. இதனால் பொது மக்கள் கடும் பதற்­றத்­துக்கு உள்­ளா­கி­ய­துடன் கொழும்பை நோக்கி ஓட ஆரம்­பித்­தனர். மூன்று நிமி­டங்­க­ளுக்கு ஒரு­முறை வெடிப்பு சம்­ப­வங்கள் இடம்­பெற்­றுக்­கொண்­டே­யி­ருந்­தன . மேலும் சம்­ப­வத்தில் இரா­ணுவ முகா­முக்கு அருகில் இருந்த வர்த்­தக நிலையம் ஒன்றும் முற்­றாக எரிந்து நாச­மா­கி­யுள்­ளது.
மக்கள் அல்­லோ­ல­கல்­லோலம்
இந்த சம்­பவம் கார­ண­மாக சாலாவ அவி­சா­வளை மற்றும் அதனை அண்­டிய பிர­தே­சங்­களில் நேற்று இரவு பதற்ற நிலை காணப்­பட்­ட­துடன் மக்கள் அல்­லோ­ல­கல்­லோ­ல­பட்டு அங்கும் இங்கும் ஓடித்­தி­ரிந்­தனர். மேலும் பிர­தேசம் முழு­வதும் பாரிய தீ வெ ளிச்சம் காணப்­பட்­ட­துடன் யாரும் நெருங்க முடி­யாத நிலையும் நில­வி­யது.
மின்­சாரம் துண்­டிப்பு
அது மட்­டு­மன்றி வெடிப்பு சம்­பவம் இடம்­பெற்­ற­துடன் அவி­சா­வளை பகு­தியை அண்­டிய அனைத்து பிர­தே­சங்­க­ளிலும் மின்­சார துண்­டிப்பு ஏற்­பட்­டது. நேற்று நள்­ளி­ரவு வரை அதி­க­மான பிர­தே­சங்­க­ளுக்கு மின்­சாரம் துண்­டிக்­கப்­பட்­டி­ருந்­தது. இதனால் சில பிர­தே­சங்கள் இருளில் மூழ்­கி­னாலும் தீச்­சு­வாலை கார­ண­மாக சாலாவ பிர­தேசம் முழு­வதும் வெளிச்­ச­மா­கவும் காணப்­பட்­டது.
கடும் போராட்­டத்­துடன்
தீய­ணைப்பு போராட்டம்
அத்­துடன் நேற்று நள்­ளி­ரவைு வரை இரா­ணுவ முகாமில் ஏற்­பட்ட இந்த தீயை அணைப்­ப­தற்­காக பாரிய முயற்­சிகள் மேற்­கொள்­ளப்­பட்­ட­போதும் தொடர்ச்­சி­யாக இரா­ணுவ முகா­மி­லி­ருந்து தீ பிழம்­புகள் எழுந்த வண்­ணமே இருந்­தன. இதனால் பாது­காப்பு படை­யினர் ஊட­க­வி­ய­லா­ளர்கள் உள்­ளிட்ட எவ­ரி­னாலும் நேற்று நள்­ளி­ரவு வரை குறித்த இரா­ணுவ முகாம் அமைந்­தி­ருக்கும் பிர­தே­சத்தை நெருங்­கவே முடி­யாமல் இருந்­தது.
எங்கும் புகை மண்­டலம்
நேற்று மாலை 5.45 மணி­ய­ளவில் ஏற்­பட்ட இந்த தீவி­பத்­தினால் பாரிய வெடிப்பு சத்தம் கேட்­ட­துடன் மக்கள் பல திசை­க­ளிலும் பத­றி­ய­டித்­துக்­கொண்டு ஓடினர். அத்­துடன் சாலாவ பிர­தே­சமே புகை­யினால் நிறைந்­தி­ருந்­த­துடன் தீச்­சு­வா­லைகள் வானத்தை நோக்கி எழுந்த வண்ணம் காணப்­பட்­டன.
மக்­களை வெளி­யேற்ற
நட­வ­டிக்கை
அத்­துடன் சாலாவ இரா­ணுவ முகாமைச் சுற்றி ஆறு கிலோ மீற்­றர்கள் வரை மக்­களை பொலி­ஸாரும் இரா­ணு­வத்­தி­னரும் வெளி­யேற்­றிய வண்ணம் இருந்­தனர். மக்­களும் பத­றி­ய­டித்­துக்­கொண்டு ஓடினர். மேலும் குறித்த இரா­ணுவ முகாமில் அமைந்­துள்ள எண்ணெய் குதத்தை பாது­காப்­ப­தற்கும் நட­வ­டிக்கை எடுத்­தி­ருந்­தனர்.
ஹெலி­கப்­டர்கள்
ஊடாக நீர் பாய்ச்சல்
இரா­ணுவ முகா­மி­லி­ருந்து மேலெ­ழும்­பிய தீயை கட்­டுப்­ப­டுத்­து­வற்கு ஹெலி­கொப்­டர்கள் மற்றும் வானூர்­திகள் ஊடாக நீரை வாரி இறைத்­த­போதும் தீயை அணைக்கும் செயற்­பா­டா­னது பாரிய சவா­லுக்­கு­ரி­ய­தா­கவே காணப்­பட்­டது. குறிப்­பாக முப்­ப­டை­யி­னரும் தீயை அணைக்கும் பணியில் தொடர்ந்து கடு­மை­யாக போரா­டினர். எனினும் தீச் சுவா­லைகள் சீறிய வண்­ணமே இருந்­தன.
வீதி மூடப்­பட்­டது
மேலும் சாலாவ இரா­ணுவ முகா­மி­லி­ருந்து ஓரிரு கிலோ மீற்­றர்கள் தூரத்தில் அம்­பி­யூ­லன்ஸ்கள் தயா­ராக வைக்­கப்­பட்­டி­ருந்­த­துடன் வைத்­தி­யர்­களும் தயார் நிலையில் இருந்­தனர். மேலும் கொழும்பு அவி­சா­வளை ஹைலெவல் வீதி நேற்­றி­ரவு தற்­கா­லி­க­மாக மூடப்­பட்­டது. அத்­துடன் இரா­ணுவ தள­பதி கிரி­ஷாந்த டி. சில்வா குறித்த சம்­பவ இடத்­துக்கு நேற்­றி­ரவு விஜயம் செய்­தி­ருந்தார்.
பல வைத்­தி­ய­சா­லைகள்
இத­னி­டையே கொழும்பு தேசிய வைத்­தி­ய­சாலை அவி­சா­வளை ஹோமா­கம, கொஸ்­கம வைத்­தி­ய­சா­லைகள் உள்­ளிட்ட வைத்­தி­ய­சா­லை­க­ளிலும் அம்­பி­யூலன்ஸ் வண்­டி­களும் நேற்று இரவு தயார் நிலையில் வைக்­கப்­பட்­டி­ருந்­தன. மக்கள் அதிகம் செறிந்து வாழ்­கின்ற பிர­தே­சத்தில் இந்த இரா­ணுவ முகாம் அமைந்­துள்­ள­துடன் இதனால் வெடிப்பு சம்­பவம் இடம்­பெற்­ற­துடன் மக்­கள அல்­லோ­ல­கல்­லோ­லப்­பட்­டனர்.
அது மட்­டு­மன்றி இரா­ணுவ முகா­மி­லி­ருந்து கிலோ மீற்­றர்கள் சுற்­றுப்­பு­றத்தில் வசிக்­கின்ற மக்­களை வெளி­யே­று­மாறு கோரிக்கை விடுக்­கப்­பட்­ட­தாலும் மக்கள் பத­றி­ய­டித்­துக்­கொண்டு ஓடி­ய­தையும் அவ­தா­னிக்க முடிந்­தது.
இரா­ணுவ பேச்­சாளர்
இந்த சம்­பவம் தொடர்பில் இரா­ணுவ பேச்­சாளர் பிரி­கே­டியர் ஜயநாத் ஜய­வீர தகவல் தரு­கையில்,
சாலாவ இரா­ணுவ முகாமில் ஏற்­பட்ட தீயா­னது தோட்­டாக்கள் வைக்­கப்­பட்­டி­ருக்கும் களஞ்­சிய அறைக்கு பர­வி­யதன் கார­ண­மா­கவே வெடிப்பு சம்­வங்கள் இடம்­பெற்­றன. அத்­துடன் தீயும் பாரி­ய­ளவில் பர­வி­யது. சம்­பவம் தொடர்­பான தகவல் கிடைத்­ததும் இரா­ணுவம் மற்றும் விமானப் படை­யி­னரை அங்கு அனுப்பி வைத்தோம். அதன் பின்னர் தீ அதி­க­மாக பர­வி­யதன் கார­ண­மாக மேலும் பல்­வேறு பகு­தி­க­ளுக்கும் தீ பர­வாமல் இருக்க நட­வ­டிக்கை எடுக்­கப்­பட்­டது. எனினும் உட­ன­டி­யாக தீயை கட்­டுப்­ப­டுத்த முடி­ய­வில்லை. எனவே பிர­தே­சத்தில் வசிக்­கின்ற பொது மக்­களை வெளி­யேற்ற நட­வ­டிக்கை எடுக்­கப்­பட்­டது. தமது இருப்­பி­டங்­க­ளுக்கு பாது­காப்­பான இடங்­க­ளுக்கு தப்­பி­யோ­டிய மக்­களின் உட­மை­களை பாது­காப்­ப­தற்கு நட­வ­டிக்கை எடுக்­கப்­பட்­டுள்­ளது. தொடர்ச்­சி­யாக தீயை அணைப்­ப­தற்கு நட­வ­டிக்கை எடுத்­து­வ­ரு­கின்றோம் என்றார்.
இரா­ணுவ தள­பதி
மேலும் சம்­பவ இடத்­துக்கு விரைந்த இரா­ணுவ தள­பதி கிரி­ஷாந்த டி. சில்வா தகவல் வெளி­யி­டு­கையில்
சம்­பவம் இடம்­பெற்­ற­துடன் விமான படை­யி­னரை அனுப்பி தீயை அணைக்க நட­வ­டிக்கை எடுக்­கப்­பட்­டது. மேலும் ஹெலி­கொப்­டர்­க­ளைக்­கொண்டு நீரை இறைத்து தீயை அணைக்க நட­வ­டிக்கை எடுக்­கப்­பட்­டது. மக்­களை பாது­காப்­பாக வெளி­யேற்­று­வதே எமது பிர­தான நோக்­க­மாக இருந்­தது. அத­னையே முன்­னெ­டுத்­து­வ­ரு­கின்றோம். பயிற்­று­விக்­கப்­பட்ட முப்­ப­டை­யினர் முகா­முக்குள் சென்று தீயை அணைக்கும் பணியில் ஈடு­பட்­டுள்­ளனர்.
தீ மேலும் பர­வு­வதை அதி­க­ளவில் தடுத்­துள்ளோம். மேலும் அனர்த்­தங்கள் ஏற்­பட்­டுள்­ள­னவா என்­பது தொடர்பில் ஆராய்ந்­து­வ­ரு­கின்றோம். சேதங்கள் குறித்து உட­ன­டி­யாக எத­னையும் கூற முடி­யா­துள்­ளது. தீயை முழு­மை­யாக அணைத்த பின்­னரே சேதங்கள் குறித்து குறிப்­பிட முடியும். தீயை அணைப்­பதே எமது பிர­தான நோக்கம். மக்­களை வெளி­யேற்­றி­யுள்ளோம். தீயை முழு­மை­யாக அணைத்த பின்னர் மக்­களை மீண்டும் அவர்­களின் இடங்­க­ளுக்கு அனுப்­புவோம் என்றார்.
குடி­நீரை பரு­கும்­போது
கவனம் தேவை
இது இவ்­வாறு இருக்க சம்­பவம் தொடர்பில் சுகா­தார சேவைகள் பணிப்­பாளர் நாயகம் பாலித மஹி­பால தகவல் தரு­கையில்
காய­ம­டைந்­த­வர்கள் அவி­சா­வளை மற்றும் ஹோமா­கம மருத்­து­வ­ம­னை­களில் அனு­ம­திக்­கப்­பட்­டுள்­ளனர். அதில் ஒருவர் உயி­ரி­ழந்­துள்ளார். மேலும் காய­ம­டைந்­துள்­ள­வர்­க­ளுக்கு சிகிச்சை அளிப்­ப­தற்கு அனைத்தும் தயார் நிலையில் வைக்­கப்­பட்­டுள்­ளன. வெடிப்­பொ­ருட்கள் வெடித்­துள்­ளதால் நச்­சுத்­தன்­மை­யான புகை வந்­துள்­ளது. அத்­துடன் இந்த புகை கார­ண­மாக பிர­தே­சத்தில் குடி­நீரும் மாசு­படும் சாத்­தியம் உள்­ளது. எனவே ஏதா­வது நோய் ஏற்­ப­டுமா என்ற அச்சம் ஏற்­ப­டலாம்.
எனவே பிர­தே­சத்தில் பாதிக்­கப்­பட்ட மக்கள் கர்ப்­பிணி பெண்கள் குழந்­தைகள் மருத்­து­ம­னை­களை எந்த நேரமும் நாடலாம். அவர்­க­ளுக்கு தேவை­யான சிகிச்­சைகள் வழங்­கப்­படும். அவ்­வாறு ஏதா­வது மருத்­துவ உத­விகள் தேவைப்­ப­டுவோர் 0113071073 என்ற தொலை­பேசி இலக்­கத்­துடன் தொடர்­பு­கொண்டு உதவி பெறலாம். அத்­துடன் வெடிப்பு சம்­ப­வத்­தினால் பல்­வேறு வெடிப்­பொ­ரு­டக்ளின் சித­றல்கள் கிண­றுகள் மற்றும் நீர் நிலை­களில் விழுந்­தி­ருக்­கலாம். எனவே மக்கள் குடி­நீரை பரு­கும்­போது சற்று அவ­தா­ன­மாக இருக்­க­வேண்டும் என்றார்.
கொழும்பை நோக்கி ஓடினோம்
இதே­வேளை சம்­ப­வத்தை நேரில் கண்ட பொது மகன் ஒருவர் தகவல் வெளி­யி­டு­கையில்
பாரிய வெடிப்பு சத்தம் கேட்­டது. அத்­துடன் தீச்­சு­வாலை வந்­தது. அத­னை­ய­டுத்து எங்­களை கொழும்பை நோக்கி ஓடு­மாறு கோரினர். நாங்­களும் ஓடி­வந்­து­விட்டோம். அதன் பின்னர் என்ன நடந்­தது என்று எங்­க­ளுக்குத் தெரி­ய­வில்லை என்றார்.
மற்­று­மொரு பொது­மகன் குறிப்­பி­டு­கையில்
இரா­ணுவ முகாமில் தீவி­பத்து ஏற்­பட்­ட­தை­ய­டுத்து பாரிய புகை­மண்­டலம் காணப்­பட்­டது. எங்­க­ளுக்கு சுவா­சிப்­ப­தற்கு கடி­ன­மாக இருந்­தது. நாங்கள் தப்பி ஓடி­வந்தோம். முதலில் ஓடி வந்தோம். பின்னர் இரா­ணுவ வாக­னங்­களில் ஏறி வந்தோம். பாரிய சத்தம் கேட்­டது. மிகப்­பெ­ரிய தீச்­சு­வா­லைகள் வந்­ததை கண்டோம் என்­றனர்.
புகையை
சுவா­சிக்­க­வேண்டாம்
இது இவ்­வாறு இருக்க அனர்த்த முகா­மைத்­துவ மத்­திய நிலை­யத்தில் உதவி பணிப்­பாளர் பிரதீப் கொடிப்­பிலி குறிப்­பி­டு­கையில்
வெடிப்புச் சம்­ப­வத்தை அடுத்து வெளி­வந்த புகை மாசு­பட்­ட­தாக இருக்­கலாம். எனவே இந்த புகையை யாரும் சுவா­சிக்­காமல் இருப்­பது நல்­ல­தாகும். அத்­துடன் அவ்­வாறு புகையை சுவா­சிக்கும் நிலை ஏற்­பட்டால் முகத்தை ஈரத்­து­ணி­யினால் மூடிக்­கொள்­வது சிறந்­தது என்றார்.
100 க்கும் மேற்­பட்ட
தீய­ணைப்பு வாக­னங்கள்
இதே­வேளை நூற்­றுக்­க­ணக்­கான தீய­ணைப்பு வாக­னங்­களும் நீர் பவு­சர்­களும் குறித்த பிர­தே­சத்தை நேற்று நள்­ளி­ரவு வரை வந்­து­கொண்­டி­ருந்­தன. எனினும் நள்­ளி­ர­வு­வரை இரா­ணுவ முகா­முக்குள் வெடிப்பு சம்­ப­வங்கள் கேட்­டுக்­கொண்­டி­ருந்­தன. அத்­துடன் பிர­தே­சத்­துக்கு அருகில் நின்­று­கொண்­டி­ருந்த படை­யினர் பொலிஸார் மற்றும் ஊட­க­வி­ய­லா­ளர்கள் கண்கள் எரிச்சல் போன்ற அசௌ­க­ரி­யத்தை எதிர்­கொண்­டி­ருந்­தனர்.
இதே­வேளை சம்­பவம் தொடர்பில் அனர்த்த முகா­மைத்­துவ அமைச்சர் அனுர பிரி­ய­தர்­ஷன யாப்பா தகவல் வெளி­யி­டு­கையில்
பாதிக்­கப்­பட்ட மக்­க­ளுக்கு
தேவை­யான வச­திகள்
பாதிக்­கப்­பட்ட மக்­க­ளுக்கு தேவை­யான உத­வி­களை வழங்­கு­மாறும் பிர­தேச செய­லா­ளர்­க­ளுக்கு அறி­வு­றுத்­தல்கள் வழங்­கப்­பட்­டுள்­ளன. மேலும் இரா­ணுவ முகாமில் ில் இருந்த இராணுவ வீரர்களுக்கு என்ன நடந்தது? மற்றும் இராணுவ முகாமை அண்டிய பிரதேசங்களில் மக்களுக்கு ஏதாவது ஆபத்துக்கள் ஏற்பட்டனவா என்பது தொடர்பிலும் பாதுகாப்பு தரப்பினர் ஆராய்ந்துவருகின்றனர். சுகாதார சேவைகளும் வழங்கப்பட்டுக்கொண்டிருக்கின்றன. மக்களுக்கு தேவையான அவசர தேவைகளை வழங்குவதற்கு நடவடிக்கைகள் மேற்கொள்ளப்பட்டுள்ளன. சம்பவம் தொடர்பில் இராணுவத்தின் அறிவுரைகளுக்கு நடவடிக்கை எடுக்கப்பட்டுள்ளது. அனர்த்த முகாமைத்துவ அதிகாரிகள் தயாராக இருக்கின்றனர் என்றார்.
காயம்
சாலாவ இராணுவ முகாம் வெடிப்பு சம்பவத்தில் ஒருவர் உயிரிழந்துள்ளார். அத்துடன் காயமடைந்த மூவர் அவிசாவளை வைத்தியசாலையில் அனுமதிக்கப்பட்டனர். காயமடைந்தவர்களில் ஒருவர் மேலதிக சிகிச்சைக்காக கண்டி வைத்தியசாலைக்கு மாற்றப்பட்டிருந்தார். இராணுவ வீரர் ஒருவரே சம்பவத்தில் உயிரிழந்துள்ளார்.
சி.ஐ.டி. விசாரணை
அத்துடன் சம்பவம் தொடர்பான விசாரணைகளை மேற்கொள்ள குற்றப் புலனாய்வு பிரிவினருக்கு சட்டம் ஒழுங்கு அமைச்சர் உத்தரவிட்டுள்ளார். அந்தவகையில் இன்றுகாலை சி.ஐ.டி. குழுவினர் குறித்த பகுதிக்கு செல்ல ஏற்பாடாகியுள்ளது.