முச்சக்கரவண்டி மாட்டுடன் மோதி விபத்துக்குள்ளான நிலையில் யாழ். போதனா வைத்தியசாலையில் சிகிச்சை பெற்றுவந்த நபரொருவர் சிகிச்சை பலனின்றி மரணமடைந்துள்ளார்.
முல்லைத்தீவு, முள்ளியவளையை சேர்ந்த ஆறுமுகம் ரமணகுமார் (வயது 34) எனும் இரண்டு பிள்ளைகளின் தந்தையே இவ்வாறு மரணமடைந்தவராவார்.
இவ் விபத்து சம்பவம் தொடர்பாக மேலும் தெரியவருவதாவது,
குறித்த நபர் கடந்த மாதம் முதலாம் திகதி முள்ளியவளையில் இருந்து குமுழ முனைக்கு முச்சக்கரவண்டியொன்றில் நெல் ஏற்றிச் சென்று கொண்டிருக்கும் போது வீதியின் குறுக்காக சடுதியாக வந்த மாடுகளோடு மோதுண்டதில் முச்சக்கரவண்டி தடம்புரண்டு அருகிலுள்ள மரத்துடன் மோதி விபத்துக்குள்ளானது.
இந்நிலையில் படுகாயமடைந்த குறித்த நபர் மாஞ்சோலை ஆதார வைத்தியசாலையில் அனுமதிக்கப்பட்டு கடந்த மாதம் நான்காம் திகதி யாழ். போதனா வைத்தியசாலைக்கு மேலதிக சிகிச்சைகளுக்காக மாற்றப்பட்டார்.
இதனையடுத்து, யாழ். போதனா வைத்தியசாலையில் ஒரு மாத காலமாக சிகிச்சை பெற்றுவந்திருந்த நிலையில் சிகிச்சை பலனின்றி நேற்று முன்தினம் குறித்த நபர் மரணமடைந்துள்ளார். இவரது மரண விசாரணையை யாழ். போதனா வைத்தியசாலையின் திடீர் மரண விசாரணை அதிகாரி நவசிவாயம் பிறேம்குமார் மேற்-கொண்டிருந்ததையடுத்து சடலம் உறவி-னர்க-ளிடம் ஒப்படைக்கப்பட்டுள்ளது.
