தற்கொலைக்கு முயன்ற மாணவன் ஒருவர் உறவினர்களால் மீட்கப்பட்டு வைத்தியசாலையில் சிகிச்சைக்காக அனுமதிக்கப்பட்ட நிலையில் சிகிச்சை பலனின்றி நேற்றைய தினம் உயிரிழந்துள்ளார்.
அளவெட்டி தெற்கை சேர்ந்த யதீஸ் தேனினியன் எனும் தரம் 6 இல் கல்வி கற்று வந்த மாணவனே இவ்வாறு உயிரிழந்தவராவார்.
கடந்த 17 ஆம் திகதி மாலை வீட்டின் பின்புறமாக உள்ள தற்காலிக கொட்டகைக்குள் சென்ற குறித்த மாணவன் தூக்கிட்டு தற்கொலை செய்ய முயன்றுள்ளார். இதன் போது குறித்த மாணவன் அவரது சகோதரனால் மீட்கப்பட்டு தெல்லிப்பழை ஆதார வைத்தியசாலையில் அனுமதிக்கப்பட்டிருந்தார்.
இதன் பின்னர் மேலதிக சிகிச்சைக்காக சம்பவ தினமன்று இரவு எட்டு மணியளவில் யாழ்.போதனா வைத்தியசாலைக்கு மாற்றப்பட்டிருந்தார். இந்நிலையில் சிகிச்சை பெற்று வந்த குறித்த மாணவன் சிகிச்சை பலனின்றி நேற்று காலை 4 மணியளவில் உயிரிழந்துள்ளார்.
குறித்த மாணவனின் மரண விசாரணையை யாழ்.போதனா வைத்தியசாலையின் திடீர் மரண விசாரணை அதிகாரி டாக்டர் நவசிவாயம் பிறேம்குமார் மேற்கொண்டிருந்ததையடுத்து சடலம் உறவினர்களிடம் ஒப்படைக்கப்பட்டது.
