கிணற்றில் வீழ்ந்த குடும்பஸ்தர் மரணம்!

கிணற்றுக்குள் தவறி வீழ்ந்த குடும்பஸ்தர் ஒருவர் நீரில் மூழ்கி பரிதாபகரமாக உயிரிழந்துள்ளார்.

இச் சம்பவம் நேற்று மாலை 6.45 மணியளவில் ஊரெழு பகுதியில் இடம் பெற்றது.

இதில் அதே இடத்தினை சேர்ந்த குணசிங்கம் சத்தியகுமார் (வயது 43) என்ற குடும்பஸ்தரே உயிரிழந்தவராவார்.

சடலமானது பிரேத பரிசோதனைக்காகவும் மரண விசாரணைகளுக்காகவும் யாழ்.போதனா வைத்தியசாலையில் ஒப்படைக்கப் பட்டுள்ளது.

இது தொடர்பான மேலதிக விசாரணைகளை அச்சுவேலிப் பொலிஸார் மேற்கொண்டு வருகின்றனர்.