கல்வி வெளியீட்டுத் திணைக்கள, தஞ்சைப் பல்கலைக்கழக தமிழ்த்துறை பதிப்பாசிரியர் திரு. வேலுப்பிள்ளை பேரம்பலம் அவர்களின் ஆங்கில மொழிபெயர்ப்பினாலான திருக்குறள் நூல் வெளியீட்டு நிகழ்வு நேற்று(17.04.2016) ஞாயிற்றுக்கிழமை பிரான்சு வல்துப்பொந்தனெ (Val de fontenay ) பகுதியில் மிகவும் சிறப்பாக இடம்பெற்றது.
பிற்பகல் 3 மணிக்கு இடம்பெற்ற இந்நிகழ்வில், மங்களவிளக்கினை திரு.திருமதி பேரம்பலம் அவர்களும் நியூலிசூர்மார்ன் தமிழ்சங்கத் தலைவர் திரு. தங்கதுரை அவர்களும் ஏற்றிவைத்தனர்.
தொடர்ந்து, ஈகைச்சுடரினை மாவீர் ரூபனின் சகோதரி ஏற்றிவைக்க, அகவணக்கம் செலுத்தப்பட்டது.
வரவேற்புரையைத் தொடர்ந்து செவ்ரோன் மற்றும் ஒள்னேசுபுவா தமிழ்ச்சோலை மாணவிகளின் வரவேற்பு நடனம் இடம்பெற்றது.
தொடர்ந்து பிரான்சு தமிழர் ஒருங்கிணைப்புக்குழு உதவி நிர்வாகப் பொறுப்பாளர் பாலசுந்தரம் அவர்கள் சிறப்புரை ஆற்றினார்.
திரு.திருமதி பேரம்பலம் இருவரும் பிரான்சு தமிழர் ஒருங்கிணைப்புக்குழுவின் ஏற்பாட்டில் பொன்னாடை போர்த்தி மதிப்பளிக்கப்பட்டதுடன் நினைவுக் கேடயமும் வழங்கப்பட்டது. 
