வவுனியா நெடுங்கேணிப் பகுதியில் யானை தாக்கி ஒருவர் உயிரிழந்துள்ளார்.இச்சம்பவம் நேற்று முன்தினம் இரவு 8 மணிக்கு நெடுங்கேணி சேனப்புலவில் இடம்பெற்றுள்ளது.
இதில் கணபதிப்பிள்ளை மனோ கரசீலன் (வயது-42) என்பவரே உயிரிழந்தவராவார்.
இது தொடர்பில் தெரியவருவதாகது,
தனது வயலில் வேலை ஈடுபடச்சென்ற வேளை அவரை யானை தாக்கியதில் அவர் பரிதாபகரமாக உயிரிழந்துள்ளார். சடலம் பிரேத பரிசோதனைக்காக வவுனியா பொது வைத்தியசாலையில் வைக்கப்பட்டு பின்னர் உறவினர்களிடம் கையளிக்கப்பட்டள்ளது.
மற்றொரு சம்பவமாக,
பாம்பு தீண்டியதில் குடும்பஸ்தர் ஒருவர் உயிரிழந்துள்ளார்.
இச்சம்பவம் நேற்று அதிகாலை 5 மணியளவில் முல்லைத்தீவு அலம்பில் பகுதியில் இடம்பெற்றுள்ளது.
5 பிள்ளைகளின் தந்தையான எ.ஒஷ்தியாம்பிள்ளை (வயது-64) என்ற ஓய்வுபெற்ற தபால் ஊழியரே உயிரிழந்தவராவார்.
இச் சம்பவம் தொடர்பில் தெரியவருவதாவது,
பிரஸ்தாப நபர் அதிகாலை எழுந்து வீட்டின் பின்புறமாக சென்ற வேளை பாம்பு தீண்டியுள்ளது.
உடனடியாக அவர் முல்லைத்தீவு மாஞ்சோலை வைத்தியசாலைக்கு கொண்டு செல்லப்பட்டபோதும் செல்லும் வழியில் அவரது உயிர் பிரிந்தள்ளது.சடலமானது பிரதே பரிசோதனைகளின் பின்னர் உறவினர்களிடம் ஒப்படைக்கப்பட்டுள்ளது
