இலங்கை கடற்பரப்பில் அத்துமீறி நுழைந்து மீன்பிடியில் ஈடுபட்ட குற்றச்சாட்டில் நான்கு இந்திய மீனவர்கள் கைது செய்யப்பட்டுள்ளனர்.இந்தியாவின் இராமேஸ்வரத்தைச் சேர்ந்த மீனவர்களே நேற்று இரவு நெடுந்தீவு கடற்பரப்பில் கடற்படையினரால் கைது செய்யப்பட்டுள்ளனர். அத்தோடு, இவர்கள் மீன்பிடிக்கு பயன்படுத்திய ஒரு விசைப்படகும் கைப்பற்றப்பட்டுள்ளது.
கைது செய்யப்பட்ட நால்வரும் இன்று நீதிமன்றில் ஆஜர்படுத்தப்படவுள்ளனர்.
