கனடாவில் இடம்பெற்ற வாகன விபத்தில் தந்தையும் அவரது மூன்று வயது மகளும் உயிரிழந்துள்ளனர்.
வாகனமொன்றில் மோதுண்டதனால் இந்த விபத்து இடம்பெற்றுள்ளதாக தெரிவிக்கப்படுகிறது.
வாகனத்தில் மோதுண்டு விபத்துக்குள்ளான நிலையில் குறித்த தந்தை வாகனத்தை விட்டு கீழே இறங்கி மகளை தூக்கிக் கொண்டு விதியின் மறுமுனைக்கு செல்ல முயற்சித்தபோது மற்றும் ஒரு வாகனம் குறித்த இருவர் மீதும் மோதியதாக தெரிவிக்கப்படுகிறது.
இந்த மோதல் காரணமாக குறித்த இருவரும் படுகாயமடைந்து வைத்தியசாலையில் அனுமதிக்கப்பட்ட பின்னர் சிகிச்சைகள் நேற்று (21.01.2025) செவ்வாய்க்கிழமை பலனின்றி இருவரும் உயிர் இழந்துவிட்டதாகத் தெரிவிக்கப்படுகிறது.
இச்சம்பவத்தில் புஷ்பராஜா பகீரதன் (கண்ணன் – வயது 41) மற்றும் பகீரதன் றியானா (வயது 3) ஆகிய இருவருமே உயிரிழந்தவர்கள் ஆவர்.
இந்த சம்பவம் தொடர்பில் காவல்துறையினர் விசாரணைகளை ஆரம்பித்துள்ளனர்.
இந்த வாகன விபத்தில் மூன்று வாகனங்கள் தொடர்பு பட்டிருந்த நிலையில் ஒரு வாகனத்தின் சாரதி சம்பவ இடத்தை விட்டு தப்பி சென்றுவிட்டதாகவும் ஏனையவர்கள் விசாரணைகளுக்கு ஒத்துழைப்பு வழங்கியதாகவும் தெரிவிக்கப்படுகிறது.
