சென்­னைக்கு தங்கம் கடத்த முற்­பட்ட 8 இந்­தி­யர்கள் உட்­பட 9 பேர் சுங்கப் பிரி­வி­னரால் கைது!

சுமார் 60 இலட்­சத்து 20 ஆயிரம் ரூபா பெறு­ம­தி­யான ஆறு தங்கச் சங்­கி­லிகள், 10 தங்­கத்­துண்­டு­களை சென்­னைக்கு கடத்தமுற்­பட்ட 9 பேர் நேற்று அதி­காலை கட்­டு­நா­யக்க சர்­வ­தேச விமான நிலைய சுங்கப் பிரி­வி­னரால் கைது செய்­யப்­பட்­டுள்­ளனர்.
ஸ்ரீ லங்கன் விமான சேவைக்கு சொந்­த­மான யூ.எல்.125 என்ற விமா­னத்தில் சென்னை நோக்கி இந்த தங்கம் கடத்­தப்­பட இருந்த நிலை­யி­லேயே இவர்கள் ஒன்­பதுபேரும் கைதுசெய்­யப்­பட்­ட­தா­கவும் அதில்எட்டுப் பேர் இந்­தி­யர்கள் எனவும் சுங்க திணைக்களத்தின் ஊடகப் பேச்­சாளர், லெஸ்லி காமினி தெரி­வித்தார்.
கைது செய்­யப்­பட்ட இலங்­கை­ய­ரி­ட­மி­ருந்து 300 கிராம் நிறைக் கொண்ட மூன்று தங்கத் துண்­டுகள் கைப்­பற்றப்­பட்­ட­தா­கவும் இந்­தி­யர்கள் 8 பேரி­டமும் இருந்து 6 மாலைகள் மற்றும் 7 தங்கத் துண்­டுகள் கைப்­பற்­றப்­பட்­ட­தா­கவும் அவர் மேலும் குறிப்­பிட்டார்.
நேற்று அதி­காலை இந்­தி­யாவின் சென்னை நோக்கி பய­ணிக்க நுவ­ரெ­லி­யாவைச் சேர்ந்த 41 வய­து­டைய புடவை வர்த்­தகர் ஒருவர் வந்­துள்ளார். அவ­ரது நடவ­டிக்­கை­களில் சந்­தேகம் கொண்ட விமான நிலைய சுங்கப் பிரி­வினர் அவரை சோதனைக்கு உட்­ப­டுத்­தி­யுள்­ளனர். இதன் போது அடிப்­பா­ததில் ஒட்டி மறைக்கப் பட்­டி­ருந்த மூன்று தங்கத் துண்­டு­களை சுங்கப் பிரி­வினர் அவரிடம் இருந்து கைப்­பற்­றினர். இதன் நிறை 300 கிராம் என குறிப்­பிடும் சுங்கப் பிரி­வினர் அதன் பெறு­மதி 15 இலட்சம் ரூபா என குறிப்­பிட்­டனர்.
வர்த்­த­கரின் இடது காலின் பாதத்தில் இம்­மூன்று தங்கத் துண்­டு­களும் ஒட்­டப்­பட்­டி­ருந்த நிலையில் சப்­பாத்து போடப்­பட்­டி­ருந்­த­தா­கவும் சுங்கப் பிரி­வினர் தெரி­வித்­தனர்.
இந் நிலையில் இந்த வர்த்­தகர் பய­ணிக்க வந்­தி­ருந்த யூ.எல்.125 என்ற ஸ்ரீ லங்கன் விமா­னத்தில் ஏற்­க­னவே ஏறி­யி­ருந்த எட்டு இந்­தி­யர்கள் திடீ­ரென இறக்­கப்­பட்டு சோத­னைக்கு உட்­ப­டுத்­தப்­பட்ட
போது அவர்­க­ளி­டமும் சட்ட விரோ­த­மாக கடத்­தப்­பட தயா­ராக இருந்த தங்கம் மீட்­கப்­பட்­டது.
சுங்கப் பிரி­வி­னரின் விசா­ர­ணை­களில் வெளிப்­ப­டுத்­தப்­பட்ட தக­வல்­க­ளுக்கு அமை­வா­கவே இந்த எட்­டுப்­பேரும் கைது செய்­யப்­பட்­ட­தா­கவும் கைது செய்­யப்­பட்­ட­வர்கள் 58, 20, 30, 32, 29, 40, 19 மற்றும் 39 வய­து­களை உடைய ஆண்கள் எனவும் சுங்கப் பிரி­வினர் தெரி­வித்­தனர்.
58 வய­தான நப­ரிடம் 59 கிராம் எடைக் கொண்ட ஒரு தங்கத் துண்டு இருந்­துள்­ள­துடன் அது அவ­ரது நெஞ்சுப் பகு­தியில் ஒட்டி மறைத்து வைத்து கடத்­தப்­பட ஏற்­பாடு செய்­யப்­பட்­டுள்­ளது. 20 வய­தான இரண்­டா­வது நப­ரிடம் 100 கிராம் எடை கொண்ட தங்கச் சங்­கி­லி­யொன்று இருந்­துள்­ள­துடன் அது பூர­ண­ப்­ப­டுத்­தப்­ப­டா­தது என தெரி­ய­வந்­துள்­ளது. அந்த சங்­கிலி அவ­ரது மல வாயிலில் மறைத்து வைக்­கப்­பட்­டி­ருந்­துள்­ளது. 30 வய­தான மூன்­றா­வது நப­ரிடம் இரு தங்கத் துண்­டுகள் இருந்­துள்­ள­துடன் அது 77 கிராம் நிறைக் கொண்டது எனவும் அவை அவ­ரது மல வாயிலில் மறைத்து வைக்­கப்­பட்­டி­ருந்­த­தா­கவும் சுங்கப் பிரி­வினர் தெரி­வித்­தனர்.
இத­னை­விட நான்­கா­வது நப­ரான 32 வய­து­டைய நபரின் மல வாயிலில் மறைத்து வைக்­கப்­பட்­டி­ருந்த 100 கிராம் நிறை­யு­டைய தங்க சங்­கி­லி­களும், ஆறா­வது சந்­தேக நப­ரான 40 வய­து­டைய நபரின் மல­வா­யிலில் மறைத்து வைக்­கப்­பட்­டி­ருந்த தங்கச் சங்­கிலி மற்றும் 60 கிராம் உடைய தங்கத் துண்டு ஆகி­ய­வற்­றையும்,7 ஆவது சந்­தேக நப­ரான 19 வய­து­டைய நபரின் மல­வா­யிலில் மறைத்து வைக்­கப்­பட்­டி­ருந்த இரு பொதி­களில் இருந்த 266 கிராம் நிறையுடைய 4 தங்கத் துண்டுகளும் மீட்கப்பட்டுள்ளன. எட்டாவது சந்தேக நபரான 39 வயதுடைய இந்தியர் 141 கிராம் நிறையுடைய இரு தங்கச் சங்கிலிகளை மறைத்து வைத்திருந்த நிலையில் கைது செய்யப்பட்டுள்ளார். கைதானவர்களிடம் சுங்க அத்தியட்சர் திஸ்ஸ பிரியந்த டீ சில்வா தலைமையிலான குழுவினர் விசாரணைகளை மேற்கொண்டு வருகின்றனர்.